“Gənc Heminquey” ilk dəfə qalib oldu

İyulun 25-də keçirilən Key Vest şəhərinin ənənəvi Ernest Heminqueyə bənzərlik müsabiqəsində ilk dəfə “gənc” Heminquey obrazını canlandıran iştirakçı qalib gəlib.

Florida ştatının Tampa şəhərindən olan 39 yaşlı hüquqşünas Kris Dutton yazıçının yaşlı, ağ saqqallı obrazına bənzəyən iştirakçıların üstünlük təşkil etdiyi müsabiqənin uzunmüddətli ənənəsini pozaraq, daha gənc Ernest Heminquey görünüşü ilə qalibiyyət əldə edib.

Dutton yeddinci cəhdində qalib olub. O, 134 iştirakçı arasından seçilərək finala yüksələn 23 namizədi geridə qoyub. Bu qələbə Heminqueyin 1930-cu illərdə – Key Vestdə yaşadığı və əsərlərini yazdığı dövrdəki görünüşünü canlandıran iştirakçılar üçün mühüm hadisə sayılır. Əvvəlki illərdə bir neçə “gənc Heminquey” final mərhələsinə yüksəlsə də, heç biri əsas mükafatı qazana bilməmişdi. 

Yeni “Papa” kimi tanınan Dutton bundan sonra növbəti müsabiqələrin münsiflər heyətində iştirak edəcək. O həmçinin Heminquey Cəmiyyəti tərəfindən həyata keçirilən, Florida Keys bölgəsinin tələbələrinə indiyədək 350 min dollardan çox təqaüd verən proqramın dəstəklənməsinə kömək edəcək.

Əfsanəvi yazıçı Ernest Heminqueyin obrazını canlandıranlar arasında bu il fərqli qalib seçilib. ABŞ-də keçirilən ənənəvi “Heminqueyə bənzərlik” müsabiqəsində ilk dəfə yazıçının gənclik dövrünü əks etdirən iştirakçı əsas mükafata layiq görülüb.