Gənc qalmağın ən sadə sirri | Bu qidalar qırışların yaranmasını ləngidir

Qırışların yaranması bir çox qadını narahat edən qaçılmaz yaşlanma prosesidir. Ancaq gəncliyin sirri yalnız bahalı kosmetik vasitələrdə deyil, həm də düzgün qidalanmada gizlənir.

Məşhur amerikalı ekspert Erik Berqin sözlərinə görə, insan 40 yaşına qədər bədənindəki birləşdirici toxumada olan kollagenin təxminən dörddəbirini itirir.

Mütəxəsiss ilk növbədə kollagenin əmələ gəlməsi üçün C vitamininin əhəmiyyətini vurğulayıb. Bunun üçün kələm turşusu vitamin zənginliyinə görə ən uyğun qida hesab edilir.

Qaraciyər, yumurta sarısı və kərə yağı kollagenin istehsalı, qığırdaqların, bağların və vətərlərin sağlamlığını qorumaq üçün vacib olan K2 vitamininin əsas mənbələridir. Sink və mis isə dərinin elastikliyini qorumağa və yaraların sağalmasını sürətləndirməyə kömək edən gənclik minerallarıdır.

Həkimin fikrincə, sink tərkibi baxımından dəniz ilbizləri, qırmızı ət və qaraciyər öndə gedir. Dəri gözəlliyi və sağlamlığın açarı isə zülaldır. Bu baxımdan mal əti xüsusilə tövsiyə olunur.