Gerasimov statistikanı açıqladı | Rusiya-Ukrayna müharibəsində ən son vəziyyət

“Rusiya ilə müharibə başlayandan bəri Ukrayna Silahlı Qüvvələri bir milyona yaxın canlı qüvvə itirib”.

Bu barədə Rusiya Silahlı Qüvvələrinin Baş Qərargah rəisi Valeri Gerasimov bildirib.

Onun sözlərinə görə, qarşı tərəf 20 minə yaxın tank və zirehli texnika itirib. O, Ukrayna Ordusunun Kursk vilayətində irəliləməsinin dayandırıldığını, Ukrayna Silahlı Qüvvələrinin qrupları və muzdlularının Rusiyanın dərinliklərinə keçmək cəhdlərinin qarşısının alındığını da söyləyib.

Rusiya Ordusundakı yeniliklərdən danışan Baş Qərargah rəisi qeyd edib ki, 2024-cü ildə Quru Qoşunlarında 2 Ümumqoşun Ordusu və Ordu korpusu, 16 birləşmə, həmçinin 2 hərbi dairə yaradılıb.

Onun sözlərinə görə, strateji nüvə qüvvələrinin yerdəki qruplaşmasının yenidən silahlanması tam başa çatıb, ölkə rəhbərliyi tərəfindən 2024-cü ildə Rusiya Federasiyası Silahlı Qüvvələrinin qarşısına qoyulan bütün tapşırıqlar yerinə yetirilib.