Göydələnin heyrətamiz özəllikləri açıqlandı | İnsanların diqqətini cəlb etmək üçün...

23 oktyabr 2024 277 baxış

Dubayda 22,5 metr və ya bir mənzil enində göydələnin tikintisi planlaşdırılır.

Göydələn layihəsini “Pritsker” memarlıq mükafatının qalibi olan İspaniyanın “RCR Arquitectes” memarlıq bürosu hazırlayıb. Qüllə “Muraba Vei” adlanacaq və 73 mərtəbədən ibarət olacaq. Binanın hündürlüyünün 380 metr olacağı nəzərdə tutulub. Göydələnin özəlliyi onun ensiz – 22,5 metr və ya bir mənzilin eninə bərabər olmasıdır.

Komanda tərəfindən göydələnin qeyri-adi ensiz forması insanların diqqətini cəlb etmək üçün nəzərdə tutulub.

Qüllədə mənzillərdən başqa binanın yaxınlığında kurort, restoran, rəsm qalereyası, konfrans zalları, kinoteatr və qum təpəsinə bənzəyən ictimai məkan da yerləşəcək.

Qeyd edək ki, hazırda dünyanın ən nazik göydələni Nyu-Yorkdakı “Steinway Tower” hesab olunur. Onun bünövrəsinin eni təxminən 18 metrdir, hündürlüyü isə 435 metrə çatır.

#Dubay