Pleyeri seçin:
Gürcüstanda filmə qarşı etirazlar keçirilib
Xəbərlərimizi Google-da izləyin
Yeniliklərdən dərhal xəbərdar olun
Gürcüstanın Tbilisi və Batumi şəhərlərində etiraz aksiyası keçirilib.
Etirazlara səbəb “Amirani” kinoteatrında yayımlanan İsveç-Gürcüstan istehsalı olan “Daha sonra biz rəqs etdik” filmi olub.
Ekran işinin mövzusu iki kişinin qeyri-ənənəvi cinsi oriyentasiyası haqqında olduğundan yüzlərlə insan filmə etiraz edib.
“Gürcüstan marşı” milli hərəkatının lideri Sandro Berqadze bildirib ki, aksiyaçılar filmin heyətinə yox, ekran əsərində olan hadisələrə etiraz edib.
Bir qrup etirazçı üzərində “LGBT-yə yox” yazılmış bayraqları yandırıb. Onlar daha sonra pirotexniki vasitələr partladıb. Nəticədə bir neçə polis əməkdaşı xəsarətlər alıb.
Aksiyaların keçirildiyi ərazilərə xeyli sayda polis və xüsusi təhlükəsizlik xidməti əməkdaşları cəlb olunub. Polis etirazçıların kinoteatr binasına daxil olmasının qarşısını almaq üçün canlı sədd yaradıb.
Etiraz aksiyası Tbilisi ilə yanaşı, Batumi şəhərində, “Apollo” kinoteatrı yaxınlığında da keçirilib.
Filmin ölkədə nümayişlərinə Gürcüstan Patriarxlığı da etiraz edib.
Gürcüstan daxili işlər nazirliyindən verilən məlumata görə, hüquq-mühafizə orqanının əməkdaşının qanuni əmrinə tabe olmamaq və kiçik xuliqanlıq maddələri ilə 28 nəfər saxlanılıb. Onlardan 25 nəfəri Tbilisi, 3 nəfər isə Batumi sakinləridir.
Kamil Əmirli
Kopyalandı
Seçilmişlər
