Gürcüstanın Avropa Birliyi ilə vizasız rejimi ləğv edilə bilər?

20 noyabr 2025 363 baxış

"Gürcüstan üçün Avropa İttifaqı ilə vizasız rejimin dayandırılması təhlükəsi mövcud deyil. Çünki bu, Avropa bürokratiyasının Gürcüstana son təzyiq alətidir və onlar çətin ki, belə riskə gedərlər".

Bunu Gürcüstanın Baş naziri İrakli Kobaxidze bildirib.

Qeyd edək ki, kütləvi informasiya vasitələrində yayılan məlumata görə, müxalifət Brüsseldən noyabrın sonunadək Gürcüstanla vizasız rejimin ləğvini istəyir.

Kobaxidze bildirib ki, Avropa daha əvvəl də Tbilisiyə qarşı müxtəlif təzyiq metodlarından istifadə edib. Gürcüstana Avropa Biriyinə namizəd statusunun verilməməsi də buna misaldır. Ardınca Brüssel danışıqları dayandırdı və 2024-cü ilin 27 iyunundan avrointeqrasiya prosesini dondurdu.

Jurnalistlərin siyasi kulminasiyanın mümkünlüyü ilə bağlı sualını cavablandıran Kobaxidze bildirib ki, Gürcüstanı seçkisiz, sakit iki il gözləyir və bütün siyasi güclər 2028-ci ildə baş tutacaq parlament seçkilərinə hazırlaşsalar, yaxşı olar.

#Gürcüstan