Harput qalası ziyarətçilərin üzünə nə vaxt açılacaq?

Elazığda bir çox sivilizasiyaya ev sahibliyi etmiş Harput qalasında Roma dövründən qalan gizli keçidlər bərpa edilib.

4500 illik yaşayış məskəninin izləri aşkarlanan bu qala 2024-cü ildə UNESCO tərəfindən Dünya Mədəni İrs siyahısına salınıb. Bundan sonra ərazidə qazıntı və bərpa işləri daha da sürətləndirilib.

Qalanın ikinci qapısının qərbində yerləşən 15 metrlik gizli keçidə çatmaq üçün 22 pilləli pilləkəni qalxmaq lazım gəlir. Gizli yolun kəməri və girişinin tağlı quruluşu Roma dövrünün memarlıq xüsusiyyətlərini özündə əks etdirir.

Professor İsmail Aytac arxeoloji qazıntıların 17-ci mövsümündə qalanın qərb divarlarında iki bürc arasında aşkar edilmiş “1000 illik təsərrüfat” sahəsində qazıntı işlərinin 85%-nin, eləcə də 4 gizli keçidin qazıntı və bərpasının tamamlandığını bildirib.

O, gizli keçidin ziyarətçilər üçün xüsusi şüşə ilə örtüləcəyini və “1000 illik təsərrüfat sahəsi” də daxil olmaqla, bütün ərazinin 2026-cı ildə ziyarətçilərə açılacağını deyib.

İsmail Aytac bu il ziyarətçi sayının 2024-cü ilə nisbətən ən az iki dəfə çox olduğunu və bu sayın hər gün artacağına inandığını deyib.