Hava limanındakı ağlasığmaz əməlin detallarI | Dəhşətə gətirən görüntülər yayıldı

Rusiyada 31 yaşlı kişi hava limanında 2 yaşlı uşağı götürərək yerə çırpıb.

Rusiya mediası xəbər verir ki, hadisə Moskvanın Şeremetyevo Beynəlxalq Hava Limanında baş verib.

Belə ki, azyaşlı uşağın anası hamilə olub və hadisə uşaq arabası almaq üçün övladından aralandığı zaman baş verib.

2 yaşlı uşağın yanına yaxınlaşan belaruslu Vladimir Vitkov əvvəlcə ətrafa nəzər salıb, heç kimin ona baxmadığına əmin olduqdan sonra uşağı qucağına alaraq yerə çırpıb. Ağır yaralanan uşağı ətrafdakı şəxslərdən biri dərhal qucağına götürüb.

Xəstəxanaya yerləşdirilən azyaşlı komaya girib. Hazırda Nevrologiya şöbəsində reanimasiyada olan uşağın onurğa və kəllə sınığı, qapalı kəllə-beyin travması var.

Polis hücumun irqçilik və ya digər nifrət motivləri əsasında törədilib-törədilmədiyini araşdırır. Ailənin İrandakı hücumlardan qaçaraq Əfqanıstana keçdiyi və çətin marşrutla Rusiyaya çatdığı bildirilir.

Məlumata görə, şübhəli Kipr və ya Misirdən Moskvaya uçub. Hadisədən sonra o, narkotik vasitənin təsiri altında olmaqda şübhəli bilinərək saxlanılıb.

Rusiya İstintaq Komitəsinin məlumatına görə, şübhəlinin qanında marixuana izləri aşkar edilib. Digər məlumatlarda isə onun üzərində narkotik tapıldığı qeyd edilib.

Bildirilib ki, hadisə zamanı onun yanında olan qadın tanışı V.Vitkovun hərəkətindən şoka düşüb. Şübhəli şəxs "qəsdən adam öldürməyə cəhd" maddəsi ilə həbs edilib.