Həbs edilən İmran Xan nədə ittiham olunur?

Pakistanın keçmiş baş naziri və müxalifətdəki Ədalət Uğrunda Hərəkat Partiyasının sədri İmran Xan həbs edilib.

O, vəzifədə ikən xarici liderlərdən aldığı bahalı hədiyyələrin satışında ittiham olunur. Bildirilib ki, keçmiş baş nazir iclasın keçirildiyi məhkəmə zalında nəzarətə götürülüb.

Bundan əvvəl isə İslamabadın Ali Məhkəməsi İ.Xanın məhkəməyə hörmətsizlikdə ittiham olunmasına qərar verib. Bundan əlavə, Pakistan polisi İ.Xana qarşı terrorla mübarizə qanununu pozduğuna görə ittiham irəli sürüb.