Hər zaman hazıram | Zelenski kimlərdən kömək istədi?

Ukrayna Prezidenti Volodimir Zelenski ABŞ Prezidenti Donald Trampın ölkədə seçkilər keçirilməsi çağırışını şərh edərkən bildirib ki, mən hər zaman seçkilərə hazıram.

Bundan əvvəl Tramp "Politico"ya müsahibəsində qeyd edib ki, Ukraynada prezident seçkiləri keçirilməsinin vaxtıdır.

Onun fikrincə, Ukrayna xalqının seçim imkanı olmalıdır. Tramp seçkilərdə hazırkı Prezident Zelenskinin qələbə qazanacağını da istisna etməyib.

Zelenski isə öz növbəsində ABŞ və Avropanı ölkəsində keçiriləcək seçkilərin təhlükəsizliyini təmin etməyə çağırıb.

"Xahiş edirəm və açıq şəkildə bildirirəm ki, ABŞ mənə, bəlkə də avropalı həmkarlarımızla birlikdə seçkilərin təhlükəsizliyini təmin etməkdə kömək etsin. Onda növbəti 60-90 gün ərzində Ukrayna seçkilər keçirməyə hazır olacaq. Şəxsən mənim buna azadlığım və hazırlığım var", – deyə Zelenski bildirib.

"Ukrayna, Avropa tərəfdaşları və ABŞ hazırda sülh planı çərçivəsində üç sənədi müzakirə edirlər. 20 bənddən ibarət çərçivə sənədi var, maddələr Ukrayna, Avropa və dünyanın maraqlarına uyğun olaraq daim dəyişir. İkinci sənəd təhlükəsizlik zəmanətləri, üçüncüsü Ukraynanın müharibədən sonrakı bərpası haqqındadır. Bir daha qeyd edim ki, Ukrayna ərazilərini güzəştlə getməyəcək. ABŞ də hələ Ukraynanı NATO-da görməyə hazır deyil, lakin sabit təhlükəsizlik zəmanətlərinin verilməsi ilə bağlı danışıqlar davam edir, – deyə Zelenski sözlərini bu cür yekunlaşdırıb.