Hərbçilər həlak oldu | Ermənistanda dəhşətli təyyarə qəzası

Ermənistanın Kotayk vilayətinin Eqvard şəhəri yaxınlığında “An-2” hərbi təyyarəsi qəzaya uğrayıb. Nəticədə iki nəfər həlak olub.

Bu barədə ölkənin Daxili İşlər Nazirliyinin Mətbuat Xidmətindən məlumat verilib.

Bildirilib ki, hadisə ilə xəbər nazirliyə iyulun 19-u səhər saatlarında daxil olub. Dərhal sözügedən əraziyə əməliyyat qrupu göndərilib və qəzanın nəticələrinin aradan qaldırılması ilə bağlı işlər aparılıb.

Ermənistan Müdafiə Nazirliyindən isə bildirilib ki, təlim təyyarəsi qayalara çırpılaraq qəzaya uğrayıb.