Hökumət qanunların sərtləşməsinin tərəfdarı olduğunu bildirib

Çexiya hökuməti Prezident tərəfindən 15 dekabrda təsdiqlənən Avropa İttifaqının miqrasiya paktını rədd edib.

Bu məlumatı ölkənin Baş naziri Andrey Babişə istinadən Çexiya Xəbər Agentliyi yayıb.

"Bugünkü iclasda hökumət Avropa İttifaqının miqrasiya paktını rədd edib", – Baş nazirin sözləri belə yayımlanıb.

"Hökumət Avropa İttifaqında miqrasiya və sığınacaq verilməsi paktını mövcud formada rədd edib və onun sərtləşdirilməsinə fəal şəkildə çalışacaq", – deyə sənəddə qeyd olunub.

Çexiya qaçaqmalçılara qarşı mübarizədə və qeyri-qanuni miqrantların problemlərinin icma hüdudlarından kənarda həllində israr edir.

Nazirlər Kabineti həmçinin İttifaqın karbon kvotaları ticarəti sistemini rədd edib, dövlət tərəfindən müəyyən edilən elektrik tariflərinin azaldılması barədə qərar qəbul edib və hökumət koalisiyası partiyalarının siyasətçilərin maaşlarının artımını 2030-cu ilin sonuna qədər dondurmaq təklifini dəstəkləyib.

Bu norma parlament tərəfindən təsdiqlənəcəyi halda, onların maaşlarının artırılması 2026-cı ildən dayandırılacaq.