Hücuma keçən Ukrayna PUA-ları vuruldu | Rusiya MN-dən məlumat

Rusiya növbəti dəfə PUA hücumuna məruz qalıb. Bu barədə ölkənin Müdafiə Nazirliyi məlumat yayıb.

Bildirilib ki, fevralın 20-si səhər saatlarında ölkənin hava hücumundan müdafiə sistemləri Bryansk vilayəti üzərində bir, Kaluqa vilayəti üzərində isə Ukrayna Silahlı Qüvvələrinə məxsus olduğu iddia edilən bir neçə pilotsuz uçuş aparatını məhv edib.

Nazirliyin məlumatına görə, Kiyevin Rusiya ərazisindəki obyektlərə təyyarə tipli PUA-dan istifadə etməklə terror aktı törətmək cəhdinin qarşısı alınıb.

Kaluqa vilayətinin qubernatoru Vladislav Şapşa isə öz "Telegram" kanalında məlumat paylaşaraq bildirib ki, hadisə nəticəsində tələfat və dağıntı qeydə alınmayıb.