Pleyeri seçin:
İğtişaşlarda yaralananların sayı 1000-i ötüb
Nepalda iğtişaşlar fonunda sentyabrın 11-i əsgərlər etirazları dağıtmağa davam edirlər.
Bu, sosial şəbəkələrin qadağan olunmasından sonra başlayan və son onilliklərin ən kütləvi etirazlarından birinə çevrilən hadisələrin davamıdır.
Hakimiyyət qadağanı 19 nəfərin ölümü və polisin kütləni sakitləşdirmək üçün gözyaşardıcı qaz və rezin güllələrdən istifadə etməsindən sonra ləğv etsə də, müəyyən bölgələrdə iğtişaşlar səngiməyib.
Nepal Səhiyyə Nazirliyinin məlumatına görə, etirazlar nəticəsində ölənlərin sayı 30-a yüksəlib, 1033 nəfər isə yaralanıb.
Ordunun verdiyi açıqlamada bildirilir ki, Katmandu və ətraf ərazilərdə müəyyən qadağalar qüvvədə qalacaq.
Hava limanının sözçüsü isə bildirib ki, beynəlxalq reyslər bərpa olunub.
Qeyd edək ki, ordu "Gen Z" iştirakçıları ilə danışıqlara davam edəcək və ölkəyə yeni müvəqqəti lider təyin ediləcək.
Xatırladaq ki, etirazlar nəticəsində Baş nazir istefa verməyə məcbur olub.
Kopyalandı
