İlon Mask işçilərinə şəhər qurur

“SpaceX” və “Tesla” şirkətlərinin qurucusu İlon Mask ABŞ-nin Texas ştatında öz şəhərini qurmağı planlaşdırır.

Bu barədə “The Wall Street Journal” məlumat yayıb. Texasın Ostin şəhərindən 56 kilometr aralıda yerləşən ərazidə Maskın şirkətlərində çalışan işçilərin yaşayacağı gözlənilir. Məlumata görə, həmin ərazidə artıq bir neçə modul tipli ev var.

Təməlinin atılması planlaşdırılan şəhərdə milyarderin işçilərinin aşağı kirayə haqqı ilə 110 evə köçməsi üçün şərait yaradılacaq. Texas rəhbərliyi bir ərazinin şəhər sayılması üçün orada ən azı 201 nəfərin yaşamasını tələb edib.