İnsanların əməli kosmosu da bir-birinə qatdı | Ciddi zərər olacaq!

Yer orbitində sıradan çıxmış peyklərin sayı fəaliyyətdə olanlardan artıqdır.

Bunu Avropa Kosmik Agentliyi öz hesabatında açıqlayıb.

Daha dəqiq 2025-ci ilin əvvəlində Yer orbitində təxminən 40 min peyk qeydə alınıb ki, onların da yalnız 11 mini işlək vəziyyətdədir.

Mütəxəssislərin sözlərinə görə, bu səbəbdən orbitdə peyklər arasında toqquşma ehtimalı da artıb.

Qeyd edilib ki, Yerin yaxın orbitində ölçüsü 10 santimetrdən böyük olan təxminən 54 min obyekt var. Bundan əlavə, ölçüsü 1 millimetrdən 1 santimetrə qədər olan təxminən 130 milyon obyekt mövcuddur. Bu cür kiçik hissəciklər belə fəaliyyət göstərən peyklərə və kosmik aparatlara ciddi ziyan vura bilər. Bu o deməkdir ki, sadəcə yeni tullantı əlavə etməmək kifayət deyil, həm də kosmosu aktiv şəkildə tullantılardan təmizləmək lazımdır.

Bununla belə, onlar etiraf ediblər ki, kosmik obyektlərin utilizasiyası ilə bağlı yeni strategiyalar artıq nəticə verir.