İran nə üçün nüvə hüquqlarından istifadə etməməlidir? | Pezeşkian Trampa səsləndi - Baku TV

“Rəsmi Tehran ABŞ Prezidenti Donald Trampdan İranın nə üçün nüvə hüquqlarından istifadə etməməli olduğuna dair suala cavab verməsini gözləyir”.

Belə bir açıqlama ilə İran Prezidenti Məsud Pezeşkian çıxış edib.

“ABŞ Prezidenti elan edir ki, İran nüvə hüquqlarından istifadə etməməlidir, lakin “hansı cinayətə görə?” sualına cavab vermir. O kimdir ki, bir milləti qanuni hüquqlarından məhrum edə bilsin? İnsani prinsiplər baxımından, dinindən, məzhəbindən, irqindən və etnik mənsubiyyətindən asılı olmayaraq hər bir azad insan öz təbii hüquqlarına sahib olmalıdır. Biz də beynəlxalq sistemdə bütün xalqlarla insaf və ədalət əsasında rəftar edilməsini tələb edirik”, – deyə o qeyd edib.

Bu arada SEPAH Kirman şəhərində ABŞ və İsrailin casus şəbəkəsini ifşa edib. Nəticədə, 51 nəfər saxlanılıb.

“Khabar Fouri” xəbər agentliyi isə maraqlı iddia ilə çıxış edib. Portalın yayımladığı məqalədə qeyd olunub ki, ABŞ İran raketlərinin hədəfinə çevrilməmək üçün Hava Hücumundan Müdafiə sistemlərini gizli şəkildə İordaniyaya köçürüb.