İran nədən ehtiyat edir? - Sazişin yubanmasında 2 əsas məsələ
İran Rusiya ilə gələcək onilliklər üçün münasibətləri müəyyənləşdirməli olan strateji əməkdaşlıq sazişini imzalamağı yubadır.
Rusiya Xarici İşlər Nazirliyinin Asiya departamentinin direktoru Zamir Kabulov bildirib ki, iki ölkə arasında hərtərəfli əməkdaşlıq haqqında yeni sazişin imzalanması Tehran tərəfindən “texniki problemlərə görə” dayandırılıb.
O vurğulayıb ki, bu saziş tərəflər üçün strateji əhəmiyyət kəsb edir, ona görə də sənəd üzərində işlərin dayandırılması müvəqqəti xarakter daşıyır.
Rusiyanın xarici işlər naziri Sergey Lavrov da təsdiqləyib ki, sazişin mətni tam razılaşdırılıb, amma hələlik imzalana bilməz.
Bəs Moskva ilə Tehran arasında münasibətləri keyfiyyətcə yeni səviyyəyə qaldıracaq sazişin imzalanmasının yubanmasına səbəb nədir?