İran səfiri Londonda etirazla qarşılaşdı
İranın Londondakı səfiri oğlu ilə birgə işdən çıxıb avtomobilinə minmək istəyərkən etirazla qarşılaşıb.
Bunu görən diplomat dərhal səfirliyə qayıdıb. Bu barədə “Azad İran” “Telegram” kanalı məlumat yayıb. Etiraz edən şəxslər diplomatın arxasınca “binamus”, “ölüm olsun Xameneiyə” kimi şüarlar səsləndiriblər.
İngiltərədə yaşayan və molla rejimindən narazı iranlılardan biri bununla bağlı danışıb:
“Biz İranın Londondakı səfirliyinin önündə çadır quracağıq. İstər boran, yağış, qar olsun, istərsə də Yeni il bayramı, burada davamlı aksiya keçirəcəyik. Xameneinin bayrağı səfirliyin binasından endirilənə qədər burada qalacağıq”.
Xatırladaq ki, analoji etiraz aksiyası sentyabr ayında da keçirilmişdi. Etirazçılar həmin aksiya zamanı da bənzər şüarlar səsləndirməklə iranlı diplomata qarşı çıxmışdılar.
![icon](/images/loading.png)