İran və İraq arasında diplomatik görüş | Beynəlxalq proseslər masaya yatırılacaq - Baku TV

İran Xarici İşlər Nazirliyi ABŞ-nin ölkənin cənub sahillərində yerləşən bir neçə müşahidə və nəzarət obyektinə endirdiyi hava zərbələrini kəskin pisləyib və bunu BMT Nizamnaməsinin, eləcə də müharibənin dayandırılmasına dair memorandumun pozulması kimi qiymətləndirib.

Nazirlik ABŞ-ni öhdəliklərini pozmaqda ittiham edərək bildirib ki, bu hücumlar Vaşinqtonun üzərinə götürdüyü öhdəliklərə heç bir dəyər və etibar vermədiyini göstərir.

İran Xarici İşlər Nazirliyi həmçinin vurğulayıb ki, İran BMT Nizamnaməsinin 51-ci maddəsinə əsasən, hər hansı hərbi təcavüzə qarşı öz milli suverenliyini və ərazi bütövlüyünü müdafiə etmək hüququna malikdir.

Bu arada İranın xarici işlər naziri Abbas Əraqçi İraqın paytaxtı Bağdada yola düşüb.

Səfər çərçivəsində Əraqçinin İraqın yüksəkvəzifəli rəsmiləri ilə ikitərəfli münasibətlər, regional və beynəlxalq məsələlər ətrafında fikir mübadiləsi aparacağı gözlənilir.

Bildirilib ki, səfərin gündəliyinə İranın keçmiş ali rəhbərinin dəfn mərasimi ilə bağlı İraqın aidiyyəti qurumları ilə zəruri koordinasiya məsələləri də daxildir.