ABŞ Qeşm adasına zərbələr endirib

ABŞ ordusunun iki raketi Qeşm adasındakı Məsnən kəndinin ərazisinə düşüb.

Bu barədə "Tasnim" agentliyi məlumat yayıb.

"Amerika qüvvələrinin hücumu nəticəsində iki raket Qeşm adasındakı Məsnən kəndi ərazisinə düşüb", – məlumatda bildirilib.

Hazırda hücumla bağlı araşdırma aparılır və dəyən ziyan qiymətləndirilir.

Bu arada ABŞ-nin hava hücumları nəticəsində İranda ölən və yaralananların sayı artıb.

Bu barədə İran Səhiyyə Nazirliyinin mətbuat xidmətinin rəhbəri Hüseyn Kermanpur "X" sosial şəbəkəsində bildirib.

"ABŞ-nin aviazərbələri başlayandan bəri 629 nəfər yaralanıb, 55 nəfər həlak olub", – o bildirib və əlavə edib ki, yaralılar arasında 46 qadın, 24 uşaq və yeniyetmə var.

Həlak olanlardan isə 6-sı qadın və 3-ü uşaqdır:

"İndiyədək 52 əməliyyat keçirilib, 36 nəfər hələ də xəstəxanadadır".