İranda ticarət əməliyyatlarının azalması iqtisadi vəziyyəti daha da çətinləşdirir - Baku TV

İran Prezidenti Məsud Pezeşkian ABŞ sanksiyaları və limanların dəniz blokadası səbəbindən ölkənin ixrac və idxal əməliyyatlarının təxminən 35 % azaldığını rəsmən etiraf edib.

Bu barədə "Reuters" agentliyi məlumat yayıb.

İranın ali lideri Müctəba Xamenei hökuməti qiymət artımını cilovlamağa çağırsa da, ölkədə iqtisadi təzyiqlər pik həddə çatıb və illik inflyasiya 66 %-ə yüksəlib.

Pezeşkian həmçinin bildirib ki, Vaşinqtonun neft ixracına müvəqqəti icazə verdiyi qısamüddətli iyun memorandumu dövründə Tehran təxminən 90 milyon barel neft sata bilib. Hazırda ABŞ Maliyyə Nazirliyi Misirin "Banque Misr" bankına qarşı sanksiya tətbiq edərək digər ölkələri də təhdid edir.

Vurğulanıb ki, blokadaya baxmayaraq, iranlı sahibkarlar yükləri Oman vasitəsilə fərqli ölkələrin adı ilə sənədləşdirərək gizli şəkildə Tehrana daşımağın yollarını tapıblar. Eyni zamanda dünya neft nəqlinin 20 %-ni təmin edən Hörmüz boğazından keçən gəmilərin gündəlik sayı yarıbayarı azalıb.