İranın ballistik raketlərin buraxılış qurğuları hücuma məruz qalıb - Baku TV

09 mart 2026 36 baxış

İsrail İranın Fərdis şəhərindəki neft anbarına zərbələr endirib.

Qırıcı təyyarələr vasitəsilə həyata keçirilən hücum zamanı 6 nəfər ölüb, 21 şəxs yaralanıb. Qabaqlayıcı tədbirlər sayəsində yanacaq təchizatı şəbəkəsinin dayanıqlılığı qorunub.

Ümumiyyətlə, İsrail qırıcıları son sutka ərzində İranın qərbində və mərkəzində 400-dən çox obyekti bombalayıb. Hücuma məruz qalan hədəflər arasında ballistik raketlərin buraxılış qurğuları və müxtəlif silahların istehsal müəssisələri olub.

İran isə öz növbəsində Birləşmiş Ərəb Əmirliklərini hədəf alıb. Hücumlar nəticəsində 4 nəfər həlak olub, 112 nəfər isə orta və yüngül dərəcəli xəsarətlər alıb.

Birləşmiş Ərəb Əmirliklərinin Müdafiə Nazirliyinin açıqlamasına görə, ölkənin hava hücumundan müdafiə sistemləri 17 ballistik raketdən 16-nı məhv edib. 1 raket isə dənizə düşüb. Həmçinin 117 PUA-dan 113-ü zərərsizləşdirilib, 4 dron isə hədəfinə çatıb.

#İsrail-İran müharibəsi