İranla İsrail arasında qarşılıqlı hücumlar | Hansı ölkələr hava məkanını bağladı?

24 iyun 2025 223 baxış

İsrail münaqişə başlayandan bəri Tehrandakı hədəflərə ən böyük silsilə hücumlarını həyata keçirib.

Bunu İsrail Müdafiə Ordusunun rəsmi nümayəndəsi Efi Defrin bildirib.

“İsrail Ordusu bu dəfə İranın daxili təhlükəsizlik aparatının qərargahına və İslam İnqilabı Keşikçiləri Korpusunu hədəfə alıb”, ‒ deyə E.Defrin qeyd edib.

Bu arada, Bəhreyn, BƏƏ, Küveyt və İraq hava məkanını müvəqqəti bağladığını elan edib. Bölgədə vəziyyətin gərginləşməsi fonunda hava hərəkətinin müvəqqəti dayandırılması qərarı ehtiyat tədbiri kimi qəbul olunub.

İran Qətərdəki ABŞ bazasının vurulmasından sonra bəyanat yayıb.

ABŞ-nin İranın dinc məqsədli nüvə obyektlərinə qarşı hücumuna cavab olaraq, Ali Milli Təhlükəsizlik Şurasının qərarı ilə Qətərdəki Əl-Udeyd aviabazasına güclü raket zərbəsi endirib. Bu açıqlama İran Silahlı Qüvvələrinin bəyanatında öz əksini tapıb.

#İsrail-İran münaqişəsi