İspaniyada yüksək temperatur səbəbindən 101 nəfər ölüb

Avropada ekstremal temperaturlar "yeni reallığa" çevrilir.

Bu barədə Avropa İttifaqının Yer kürəsinin müşahidəsi üzrə "Copernicus" proqramının tədqiqatçılar qrupu məlumat yayıb.

Məlumatda bildirilir ki, qitənin böyük hissəsində külək soyuqluğu indeksi may ayında 35-40 selsi dərəcəyə yüksəlib. Ötən ay artıq Avropanın bir neçə ölkəsində hava şəraiti ilə bağlı rekord qırılıb və 2024-cü ilin may ayından sonra bütün müşahidələr tarixi ərzində ikinci ən isti temperatur olub.

İstilik Böyük Britaniya, Fransa, İrlandiya və Portuqaliyanı xüsusilə güclü vurub. İspaniyada ötən ay ərzində yüksək temperatur səbəbindən 101 nəfər ölüb. Fransa və Böyük Britaniyada daha çox insan su hövzələrində sərinləməyə çalışdığı üçün boğulma halları artıb.

Alimlər qeyd edirlər ki, bu yaz sərin havanın ekstremal istiyə çevrilməsi o qədər sürətli olub ki, nə insanlar, nə kənd təsərrüfatı, nə də ekosistemlər uyğunlaşma üçün macal tapıb.

Avropa ən sürətlə istiləşən qitə olaraq qalır. Buna səbəb qismən Arktikaya yaxın olmasıdır ki, əriyən buz və qar daha tünd torpağı üzə çıxarır və o da Günəş şüalarını işığını udaraq, havanı isidir.

Alimlər həmçinin xəbərdarlıq edirlər ki, Sakit okeanın tropik hissəsində olduqca yüksək temperatur iqlim böhranını daha da dərinləşdirir və bütün dünyada ekstremal hava hadisələrini gücləndirir.