İsrail-Fələstin müharibəsinin faciəvi nəticələri

Kanada Qəzzaya 10 tondan çox humanitar yardım çatdırıb.

Kanada Hökumətinin bəyanatında bildirilib ki, Silahlı Qüvvələr kritik humanitar yardımın havadan atılması üçün “CC-130J Hercules” təyyarəsindən istifadə edib. Havadan atılan yardım 10,8 ton təşkil edir. Qəzza sakinlərinə 120 paket ərzaq yardımı edilib.

İsrail Müdafiə Qüvvələrinin məlumatına görə, həmçinin yardımların çatdırılmasında BƏƏ, İordaniya, Misir, Almaniya və Belçika da iştirak edib. Beləliklə, Qəzzaya təxminən 120 ton ərzaq atılıb.

Bütün bu böhranlar fonunda BMT-nin Uşaq Fondu dəhşətli statistika açıqlayıb. Bildirilir ki, İsrailin davam edən hücumları və humanitar yardımların demək olar, tamamilə bloklanması səbəbi ilə Qəzzada hər gün orta hesabla 28 uşaq həyatını itirir.

UNICEF təcili humanitar yardımın təmin olunmasına və döyüşlərin dərhal dayandırılmasına çağırıb. Təşkilat bildirib ki, Qəzzadakı uşaqların qidaya, təmiz suya, dərmanlara və müdafiəyə ciddi ehtiyacı var.