İsrail Livana zərbələr endirib

Fələstinin "İslam cihadı" qruplaşmasının döyüş qanadı olan "Səraya əl-Qüds" İsrailin Beyruta endirdiyi zərbə nəticəsində komandirləri Ədhəm əl-Osmanın həlak olduğunu bildirib.

Bu barədə hərəkatın mətbuat xidməti məlumat yayıb. O, "Əbu Həmzə" ləqəbi ilə tanınırdı.

İsrail Ordusu martın 2-nə keçən gecə Livan ərazisində "Hizbullah" hərəkatının bütün hədəflərinə zərbələr endirib. Hərbi mənbələr bu hücumun qruplaşmanın İsrailin şimal bölgələrinə etdiyi raket atəşinə cavab olduğunu bildirib.

Qeyd edək ki, İsrail Müdafiə Qüvvələri hücumlara cavab olaraq, Livanın cənubuna və paytaxt Beyruta hava zərbələri endirib. Son avizərbələr nəticəsində 31 nəfər ölüb, 149 nəfər xəsarət alıb. Bu barədə Livan Səhiyyə Nazirliyi məlumat yayıb.

"İslam cihadı" qruplaşmasının İsraillə Livan arasında sülahlı münaqişəyə təhrik edən əməliyyatlarına ölkənin Baş naziri Nəvaf Salam sərt reaksiya verib. "Livan hökuməti ölkə ərazisindən raketlərin buraxılmasını pisləyir və bunu razılaşmanın, eləcə də Nazirlər Kabinetinin qərarlarının pozulması kimi qiymətləndirir", – deyə o vurğulayıb.