İsrail Ordusu Livanı raket atəşinə tutdu | Ölənlər və yaralananlar var

İsrail Müdafiə Ordusu Livanın cənubundakı 3 bölgəyə – Mərcayun, Abbasiyə və Blidaya aviazərbələr endirib.

Nəticədə “Hizbullah” qruplaşmasının 3 üzvü həlak olub. Mərcayunda 4, Abbasiyədə isə azı 17 nəfər yaralanıb.

Bundan başqa, Tir bölgəsindəki əl-Abassieh qəsəbəsi də raket hücumuna məruz qalıb. Bu da 10 Livan vətəndaşının yaralanması ilə nəticələnib. Yerli medianın xəbərinə görə, xəsarət alanlardan üçünün vəziyyəti ağırdır.

SAXAL-ın məlumatına görə, onların hədəfi Blida və Rab-Taliatin yaşayış məntəqələri ərazisindəki hərbi qurğular, eləcə də Hula kəndi ərazisində yerləşən və İsrail ərazisinə yönəlmiş reaktiv yaylım atəşi qurğusu olub.

Qeyd edək ki, sözügedən hadisə 2023-cü il oktyabrın 8-dən, yəni tərəflər arasında münaqişə başlayandan indiyədək İsrailin bölgəyə ilk belə genişmiqyaslı hücumudur.