İsrail Qəzza üçün növbəti hücuma hazırlaşır | Anklavdakı fələstinlilərin aqibəti necə olacaq?

“Biz gözləmirik, əməliyyat və Qəzza zolağına hücumlara başlamışıq. Qəzzanın ətraf rayonları İsrail Ordusunun nəzarətindədir. HƏMAS-a hücumları gücləndirəcəyik, onların yerüstü və yeraltı obyektləri məhv ediləcək. Qəzza zolağının sakinlərinin HƏMAS-dan asılılığını zəiflədəcəyik”.

Bu sözləri İsrail Ordusunun sözçüsü Efi Defrin söyləyib.

Qeyd edək ki, İsrail Ordusunun bu əməliyyatlarında məqsəd Qəzza zolağını tam nəzarətə götürmək və təhlükəsizliyi təmin etməkdir. Onlarla ehtiyatda olan zabit də ordu sıralarına çağırılıb.

Qəzza zolağının sakinləri isə acınacaqlı vəziyyətdədirlər. İbrahim Tabasinin sözləri ilə desək, çadırda gecələməyi həyat saymaq olmaz.

Beynəlxalq humanitar təşkilatlar isə bəyan ediblər ki, Qəzza zolağında müvəqqəti sığınacaqların tikilməsi üçün inşaat materiallarının çatdırılması həyata keçirilməyib. Halbuki İsrail belə yardımlara məhdudiyyəti aradan qaldırıb. Amma 6 ay ərzində belə çatdırılmalar bloklanmışdı.