Pleyeri seçin:
İsrail "Hizbullah"a qarşı hərbi əməliyyata başlayır - Baku TV
İsrail Ordusu Livanın cənubundakı 12 şəhər və kəndə hücumlarla bağlı sakinlərə evlərini tərk etmələri barədə xəbərdarlıq edib.
Bu barədə İsrail mətbuatı məlumat yayıb.
Sakinlərə öz yaşayış məskənlərindən ən azı min metr kənarda olmaları əmr edilib.
Bildirilib ki, İsrail Ordusu “Hizbullah”a qarşı genişmiqyaslı əməliyyat həyata keçirəcək.
Bu arada İsrail yeni qırıcı eskadrilyaların qurulmasına start verir.
CNN-in yaydığı xəbərə görə, İsrail hakimiyyəti F-35 və F-15IA qırıcılarını əhatə edəcək iki yeni qırıcı eskadrilyasının alınması layihəsini təsdiqləyib.
“İrana qarşı kampaniya zamanı əldə olunan əməliyyat təcrübəsi bizdən hərbi gücün qurulmasını sürətləndirməyi tələb edir. Missiyamız aydındır: düşmənlərimizdən öndə olmaq”, – deyə ölkənin müdafiə naziri İsrael Kats əlavə edib.
Onun sözlərinə görə, bu, 118,9 milyard dollar dəyərində hərbi quruculuq planının ilk addımıdır.
Kopyalandı
Seçilmişlər
