İsrail və Fələstin arasında son vəziyyət | Qəzza şiddətli atəşə tutuldu

İsrail Müdafiə Qüvvələrinin Qəzza zolağının mərkəzi və cənub hissələrinə endirdiyi zərbələr nəticəsində azı 60 nəfər ölüb, 170-dən çox insan yaralanıb.

Bu barədə Qətərin “Əl-Cəzirə” telekanalı məlumat yayıb.

Qeyd edilib ki, iyunun 4-də SAXAL hərbçiləri Qəzzada yerləşən Əl-Bureyc qaçqın düşərgəsinə öncə avia zərbələr endirib, daha sonra isə quru hücuma keçib. Sözügedən düşərgədə həlak olanların əksəriyyətinin uşaq və qadın olduğu bildirilir.