İsrail vətəndaşları fələstinlilərin evlərini niyə daşlayırlar?

İordan çayının qərb sahilinə köçürülən İsrail vətəndaşları fələstinlilərin evlərinə hücum ediblər və bu, ilk belə hal deyil.

Məsələ ilə əlaqədar İsraildə araşdırmalar başlanıb və fələstinlilərin evlərini daşlayan israillilərin məsuliyyətə cəlb olunacağı gözlənilir.

Bununla bağlı İsrailin Baş naziri Benyamin Netanyahunun Nazirlər Kabinetinə tapşırıq verdiyi bildirilir. Hətta hüquq-mühafizə orqanları Cenində axtarışlara başlayıb. Çünki Caba da adlanan Cenin kəndində daşlanan evlərdən bəziləri yandırılıb. Belə olan halda isə İsrailə qarşı beynəlxalq təzyiqlər artır.

İsrailin müdafiə naziri İsrael Katz bəyan edib ki, zorakılıqla mübarizə üçün yaxın zamanlarda maliyyə ayrılacaq.

BMT-nin Humanitar Məsələlərin Koordinasiyası İdarəsinin məlumatına görə, İordan çayının qərb sahilinə köçürülən israillilər təkcə oktyabr ayında fələstinlilərə 264 dəfə hücum ediblər.