İsraildən "Hizbullah"a sarsıdıcı zərbə | Livan əraziləri atəşə tutuldu

İsrail Hərbi Hava Qüvvələri “Hizbullah”ın raket hücumlarına cavab olaraq əməliyyat keçirib.

Bu barədə ordunun Mətbuat Xidməti məlumat yayıb.

Bildirilib ki, İsrail qırıcıları təşkilatın Livanın müxtəlif bölgələrində yerləşən qərargahlarına aviazərbələr endirib. Eyni zamanda ölkənin Yarine, Aita əş-Şab və Alma əl-Haeb bölgələrindəki infrastrukturunu dağıdıb.

Bununla yanaşı, İsrail Müdafiə Qüvvələri Livandan atılan 15 raketdən bəzilərini zərərsizləşdirib. Digərləri isə açıq əraziyə düşüb. İtkilər barədə məlumat verilməyib.