İsrailin müdafiəsi necə yarıldı? | “Doğru vəd 3” əməliyyatının pərdəarxası

İyunun 13-dən 19-na kimi SEPAH-ın Hərbi Hava Qüvvələri İsrailə 13 dəfə raket zərbələri endirib.

“Tasnim”də yayılan məlumata görə, İslam Respublikası yeni nəsil raketləri istifadə etməyib.

“Doğru vəd 3” əməliyyatı çərçivəsində həyata keçirilən raket hücumları ilə bağlı əsas məqamlara gəlincə isə ilk növbədə deməliyik ki, İran həm gecə, həm də gündüz zərbələr endirir. Hücumun dəqiq vaxtı açıqlanmadığı üçün İsrailin müdafiə hazırlığı görməyə vaxtı qalmır.

İkincisi, yayındırıcı manevrlər İsrail Hava Hücumundan Müdafiə sistemlərini çaşbaş qoyub. Üçüncüsü, hücumlarda müxtəlif silahlar, əsasən ballistik raket və kamikadze dronlar istifadə olunur.

Dördüncü fakt isə ondan ibarətdir ki, İran raketləri THAAD-dan “Dəmir Qübbə”yə kimi İsrailin bütün müdafiə xəttini yarıb.

Bundan başqa, İran təkcə İsrailə yox, bu ölkənin Fələstinlə mübahisəli ərazilərinə də zərbələr endirir. İsrailə aid bəzi strateji obyektlər barədə İranın məlumatlı olması da iddia olunur. Bu isə həmin obyektlərin hədəfə düşməsini asanlaşdırır.

Sonda bildirilib ki, İran növbəti hücumlarda digər yeni raketlərdən də istifadə edə bilər.