Jurnalist İmamoğlu ilə bağlı hadisələri şərh etdi | Həm Kılıçdaroğlu, həm də Özgür Özəl...

“Əkrəm İmamoğlunun artıq prezident seçkilərində şansı yoxdur. Hazırda həbsdədir, diplomu yoxdur, orta məktəb attestatı var. Orta məktəb attestatı ilə prezidentliyə namizəd olmaq mümkün deyil”.

Bu sözləri türkiyəli jurnalist Murad Özər qeyd edib.

O bildirib ki, Türkiyə Cümhuriyyəti qanunlarına görə 1 il müddətinə azadlıqdan məhrum edilən şəxs prezidentliyə namizəd ola bilməz:

“Həbsinin nə qədər çəkəcəyi bəlli deyil, amma 1 il cəza alsa belə, o, prezidentliyə namizəd ola bilməz. Onun müraciəti üçün həbsdən çıxandan sonra ən azı üç il keçməlidir.

Hazırda Əkrəm İmamoğlu cəzalandırılsa da, cəzalandırılmasa da, qarşıdan gələn seçkilərdə prezidentliyə namizəd ola bilməz. Hüquqi baxımdan mümkün deyil. Təbii ki, bu vəziyyətdən həm Mənsur Yavaş, həm də Özgür Özəl çox sevinir. Hətta düşünürəm ki, Kamal Kılıçdaroğlu çox xoşbəxtdir. Əslində, 23 martda CHP-nin prezidentliyə namizədini müəyyən etmək üçün keçirdiyi seçki zamanı 15 milyon səs aldığını iddia edən Əkrəm İmamoğlu Silivridəki Mərmərə həbsxanasına göndərilib”.