Dünya
Pleyeri seçin:
Kanada Aİ-nin Ermənistandakı monitorinq missiyasına müşahidəçilər göndərəcək
“Kanada yaxın zamanda Ermənistana müşahidəçilər göndərəcək”.
Bunu Ermənistanın xarici işlər nazirinin müavini Paruyr Hovhannisyan öz müsahibəsində deyib.
Onun sözlərinə görə, İrəvana səfəri çərçivəsində Kanadanın xarici işlər naziri Melani Coli ölkəsinin Ermənistana müşahidəçi göndərmək niyyətində olduğunu bildirib və əlavə edib ki, Kanada Avropa İttifaqına üzv olmayan dövlətlər arasında belə bir təkliflə çıxış edən ilk ölkə olacaq.
P.Hovhannisyan qeyd edib ki, kanadalı müşahidəçilərin sayı 2 nəfər olacaq və Avropa İttifaqının Ermənistan ərazisində yerləşdirdiyi mülki missiyanın tərkibində yer alacaqlar.
“Kanada xarici işlər nazirinin ölkəmizə səfəri kifayət qədər işgüzar keçdi. Ermənistanda Kanada səfirliyi açıldı ki, bu da xüsusi diqqətin göstəricisidir”, – deyə Paruyr Hovhannisyan bildirib.
Kopyalandı
Seçilmişlər
