Kanada həkimlərindən ağlasığmaz əməliyyat | Dişdən götürülən parça…

Kanadada görmə qabiliyyətini itirmiş xəstələr üçün inqilabi əməliyyat keçirilib. Diş-göz əməliyyatı kimi tanınan Osteo-Odonto-Keratoprotez (OOKP) əməliyyatı ölkədə ilk dəfə həyata keçirilib və uğurlu alınıb.

Bu üsul 13 yaşında Stivens-Conson sindromu səbəbindən hər iki gözünü itirən Brent Çapmanın görmə qabiliyyətini bərpa etməyə imkan verib. 50-dən çox uğursuz əməliyyat keçirən B.Çapmanın dişinin bir parçası gözünə implantasiya edilərək görmə qabiliyyəti bərpa edilib.

Diş-göz cərrahiyyəsi xəstənin öz dişindən götürülmüş bir parçanın içərisinə optik linzanın yerləşdirilməsi və gözə köçürülməsini əhatə edən yeni bir üsuldur.

Bir diş parçası ilə görmə qabiliyyətini bərpa etmək üçün bu təməlqoyma üsulu tibb dünyasında böyük marağa səbəb olub.

Mütəxəssislər bu texnikanın yaxın illərdə daha çox xəstəyə ümid verə biləcəyini bildiriblər.