Kanada Ukraynaya raket sistemi komponentləri verir?

Ukrayna Prezidenti Volodimir Zelenski Sloveniya Baş nazirinin müavini, xarici və Avropa işləri naziri Tanya Fayonla PURL, yəni Ukraynanın Prioritet Ehtiyaclarının Siyahısı və SAFE – Avropa İttifaqının yeni maliyyə təşəbbüsü proqramlarını müzakirə edib.

"Belə dəstək çox vacibdir və biz bunu çox yüksək qiymətləndiririk” deyən Zelenski Ukraynanın Avropa İttifaqına qoşulması üçün danışıqlar klasterlərinin açılmasının vacibliyini də qeyd edib.

Kanada Ukraynaya raket sistemi komponentləri verir. Bu barədə isə Ukrayna Prezidentinin aparatının rəhbəri Andrey Yermak özünün teleqram kanalında deyib.

"Kanadanın Ukraynadakı fövqəladə və səlahiyyətli səfiri Nataliya Tsmots ilə məhsuldar görüş keçirdim. Son razılaşmalar çərçivəsində Kanada Ukraynaya qış avadanlıqları, raket sistemi komponentləri, həmçinin "dron koalisiyası" fonduna ianə verir", – deyə Yermak əlavə edib.

O, hansı komponentlərdən söhbət getdiyini bildirməyib. Yermakın sözlərinə görə, tərəflər Ukraynanın vacib infrastrukturunun qorunması, enerjinin bərpası və humanitar məsələləri müzakirə ediblər.