Kim Çen In kimlərə meydan oxudu? - Nüvə silahı ilə də hücum edə bilərik!

Şimali Koreya yeni hipersəs ballistik raketinin sınaq buraxılışını həyata keçirib.

Bu barədə Koreya Mərkəzi Teleqraf Agentliyi məlumat yayıb.

Qeyd olunub ki, prosesi ölkə rəhbəri Kim Çen In da izləyib.

Şimali Koreya liderinin sözlərinə görə, yeni hipersəs raketinin yaradılması hücum ideyaları üçün deyil, özünümüdafiə məqsədi daşıyır.

O bildirib ki, yeni raket istənilən qlobal Hava Hücumundan Müdafiə sisteminə nüfuz edə bilər:

“Bizim yeni hipersəs ballistik raket sistemimizin performansı dünya ölkələri tərəfindən göz ardı edilə bilməz. Sistem istənilən sıx müdafiə səddinə effektiv şəkildə reaksiya verməklə rəqibə ciddi hərbi zərbə endirə bilər. Hipersəs raket sistemi Sakit okean regionunda dövlətimizin təhlükəsizliyinə təsir edə biləcək istənilən qüvvələrin layiqli cavabını verə bilmək gücündədir”.

Şimali Koreya lideri dəfələrlə onları təhdid edən ölkələrə layiqli cavab verməyə hazır olduqlarını bildirib. Kim Çen In həmçinin dünya ölkələrinə xəbərdarlıq da edib:

“Ərazimizə göz dikən istənilən respublikanın maraqlarını müdafiə edən dövlətlər bizimlə düşmənə çevrilə bilər. Lazım olarsa, nüvə silahından da istifadə etməyə çəkinmərik”, – deyə Şimalı Koreya lideri bildirib.