Kim Çen In-Putin görüşündə tarixi an | Bu sözlər Zelenskini özündən çıxaracaq

Sentyabrın 3-ü Pekində Rusiya Prezidenti Vladimir Putin və Şimali Koreya lideri Kim Çen In arasında ikitərəfli görüş keçirilib.

Rusiya Prezidenti qeyd edib ki, Kim Çen Inın təşəbbüsü ilə Koreya Xalq Demokratik Respublikasının hərbçiləri Kursk vilayətinin azad edilməsində iştirak edib:

“Son zamanlar ölkələrimiz arasında münasibətlər xüsusi, etibarlı, müttəfiq xarakter alıb. Sizin təşəbbüsünüzlə, məlum olduğu kimi, xüsusi təyinatlı dəstələriniz Kursk vilayətinin azad edilməsində iştirak edib.

Qeyd etmək istərdim ki, sizin əsgərlər cəsarətlə, qəhrəmancasına döyüşüblər. Biz sizin Silahlı Qüvvələriniz tərəfindən göstərilən fədakarlıqları heç vaxt unutmayacağıq. Neonasizmə qarşı birgə mübarizədə iştirakınıza görə Rusiya xalqı adından sizə təşəkkür etmək istərdim. Sizdən xahiş edirəm ki, Koreya Xalq Demokratik Respublikasının bütün xalqına ən səmimi təşəkkürümü çatdırasınız”.

Rusiya Prezidenti Vladimir Putin əlavə edib ki, 2024-cü ilin iyun ayında Koreya Xalq Demokratik Respublikası və Rusiya Federasiyası arasında hərtərəfli strateji tərəfdaşlıq haqqında müqavilə imzalandıqdan sonra ikitərəfli münasibətlər bütün aspektlərdə inkişaf edir.

Kim Çen In isə cavabında vurğulayıb ki, Rusiyaya kömək üçün əlindən gələni edəcək.