Kişilərin qadınlara tabe olduğu cəmiyyət | Üzlərini örtür və qadınların soyadını götürürlər ki...

Dünyada elə yer var ki, orada kişilər üzünü örtür və xanımlarının icazəsi ilə aça bilirlər, həmçinin onlar evləndikləri qadınların soyadını daşıyırlar. Bu məlumatlar tuareqlərə aiddir.

Şimali və Qərbi Afrikada yaşayan tuareqlərin qadınları isə daha azad bir sosial mövqeyə malikdirlər.

Tuareq kişiləri günəş və tozdan qorunmaq, eləcə də hörmət və əxlaq simvolu kimi üzlərini örtürlər. Onlar adətən 25 yaşından sonra mavi rəngli örtük taxmağa başlayırlar. Maraqlıdır ki, qadınların üz örtmək məcburiyyəti yoxdur.

Tuareq cəmiyyəti matriarxal sistemlə idarə olunur. Yəni orada ana xaqanlığıdır. Ailədə və cəmiyyətdə əsas söz sahibi qadınlardır. Kişilər analarının soyadını daşıyır və miras ana xətti ilə ötürülür.

Tuareq qadınları boşanmaq hüququna malikdir və boşandıqdan sonra sosial mövqelərini itirmirlər. Onlar şeir və musiqi vasitəsilə öz düşüncələrini ifadə edir, kişilərin dünyagörüşünə təsir göstərirlər.