Dünya
Pleyeri seçin:
Kiyev və Odessada Rusiya PUA-ları vuruldu
Rusiya iyulun 11-i səhər saatlarında Kiyev və Odessa şəhərlərinə 28 kamikadze dronla hücum edib.
Bu barədə Ukrayna Müdafiə Nazirliyinin məlumatında bildirilib.
Kiyev vilayətinin dövlət administrasiyasının rəhbəri Ruslan Kravçenkonun bildirdiyinə görə, Kiyevə atılmış bütün dronlar zərərsizləşdirilib. Vurulan dronların qalıqları 12 yaşayış evinə və bir çoxmərtəbəli binaya ziyan yetirib.
Odessa qubernatoru Oleq Kiper isə “Telegram” səhifəsində qeyd edib ki, şəhər üzərində 22 dron vurulub. Lakin dronların ikisi limandakı administrasiya binasının üzərinə düşüb, eləcə də iki terminal alışıb. Yanğın qısa müddətdə söndürüldüyündən ciddi zərər dəyməyib.
Həmçinin qeyd olunub ki, Ukrayna hava hücumundan müdafiə qüvvələri ümumilikdə 26 ədəd İran istehsalı olan “Şahed” pilotsuz uçuş aparatını zərərsizləşdirib.
Kopyalandı
Seçilmişlər
