Kiyev vilayətində beşmərtəbəli binada partlayış | Ölənlər var

Ukraynanın Kiyev vilayətinin Bila Serkva şəhərində beşmərtəbəli binadakı mənzillərdən birində sonradan yanğınla müşayiət olunan partlayış baş verib.

Bu barədə Ukraynanın Fövqəladə Vəziyyətlər üzrə Dövlət Xidməti məlumat yayıb.

Hadisə yerli vaxtla saat 15:00 radələrində qeydə alınıb. Binanın 2-ci mərtəbəsindən 5-ci mərtəbəsinə qədər dəmir-beton örtüyü çöküb.

Qeyd olunub ki, son məlumata görə, naməlum maddənin partlaması nəticəsində ölənlərin sayı 2-yə yüksəlib. Binanın üçüncü mərtəbəsində insan qalıqları aşkarlanıb.