Kiyevin hədəsinə Kremlin kinayəsi | Peskovdan mühüm açıqlamalar

“Vladimir Putinin ilkin şərt olmadan Rusiyanın Ukrayna ilə danışıqlara hazır olması ilə bağlı bəyanatı aktualdır”.

Bunu Rusiya Prezidentinin mətbuat katibi Dmitri Peskov bildirib.

Onun sözlərinə görə, Rusiya ABŞ-nin sülh prosesində göstərdiyi səylərin nəticə verəcəyini gözləyir:

“Vladimir Putinin əsas məqsədi hərbi əməliyyata başlayarkən qarşıya qoyduğu məqsədlərə nail olmaqdır. Biz öz milli maraqlarımızı təmin etməliyik. V.Putin atəşkəsin tətbiqini dəstəkləyir, lakin əvvəlcə bir sıra nüansları həll etmək lazımdır. Rusiya Federasiyası Ukrayna ilə birbaşa danışıqlara hazırdır, Kiyevdən isə cavab yoxdur”.

Dmitri Peskov jurnalistlərə müsahibəsində bildirib ki, Kiyevin təhdidlərinə baxmayaraq, Moskvada 9 May Qələbə paradı baş tutacaq:

“Volodimir Zelenski bir çox fərqli bəyanatlar verir, əksəriyyəti uğursuz olur. Parad olacaq, biz də sizinlə birlikdə fəxrlə izləyəcəyik”.