Konqoda ebolaya 7258 təsdiqlənmiş yoluxma qeydə alınıb

Konqo Demokratik Respublikasında Ebola virusuna 7258 təsdiqlənmiş yoluxma halı qeydə alınıb.

Epidemiyanın ümumi azalma tendensiyasına baxmayaraq, bəzi əyalətlərdə yoluxma halları artmaqda davam edir.

Sinxua İnformasiya Agentliyindən verilən xəbərə görə, indiyədək 3510 nəfər xəstəlikdən ölüb, 1726 nəfər sağalıb. Hazırda 905 xəstə xəstəxanada müalicə olunur. Ölüm nisbəti 48,4 faizdir.

Qeyd edilib ki, epidemiya ölkənin yeddi əyalətində 62 sağlamlıq zonasını əhatə edib. Xüsusilə Şimali Kivu, İturi və Haut-Uele əyalətlərində yoluxma davam edir.

Milli Səhiyyə İnstitutu epidemiyanın ümumi dinamikasının aşağıya doğru olduğunu, lakin azalma prosesinin əyalətlər üzrə qeyri-bərabər getdiyini bildirib.

Xatırladaq ki, may ayında başlayan hazırkı epidemiya Konqo Demokratik Respublikası tarixində ən böyük və ölümcül Ebola epidemiyası hesab olunur.