Koreya Respublikası bizim əbədi düşmənimizdir | Kim Çen In
Koreya Xalq Demokratik Respublikası Koreya Respublikasını özünün daimi əsas düşməni hesab edir və təhlükəsizliyini tələb edən fövqəladə hallar baş verərsə, onun ərazisini işğal etməyə hazırdır.
Bunu Şimali Koreya lideri Kim Çen In Koreya Xalq Ordusunun yaradılmasının 76-cı ildönümü münasibətilə keçirilən tədbirdə çıxış edərkən deyib.
“Bir müddət əvvəl partiyamız və hökumətimiz xalqımızın parçalanması və qarşıdurma tarixi ilə bağlı məsələlərə yekun vurub. Cənubi koreyalı marionetlərin ölkəmizin ən zərərli və dəyişməz əsas düşməni kimi müəyyən edilməsi və fövqəladə hallarda ərazilərinin işğalına milli siyasət kimi qərar verilməsi ölkəmizin gələcəkdə əbədi təhlükəsizliyi, sülh və sabitliyi üçün ağlabatan tədbirdir”.
Qeyd edək ki, KXDR lideri 2023-cü ilin dekabr plenumunda bildirmişdi ki, Koreya Fəhlə Partiyası artıq Koreya yarımadasının dialoq və sülh yolu ilə birləşdirilməsinin mümkünlüyünə inanmır. O əlavə edib ki, Şimali və Cənubi Koreya, nəhayət ki, bir-birinə düşmən dövlətlərə çevriliblər.