Kreml Praqada xaos yaratmaq istəyir?

“Rusiya Ukraynada olduğu kimi, Çexiyanın da dinc sakinlərini öldürəcək”.

Bu sözləri Çexiya kəşfiyyatının rəhbəri Mixal Koudelka bəyan edib.

Yayılan yazıda qeyd olunub ki, Mixal Koudelka Rusiyanı günahsız insanların yaşadığı ərazilərə qəsdən hücum etməkdə günahlandırıb.

Ümumiyyətlə, Çexiyaya Rusiya tərəfindən kiberhücumlar həyata keçirilir. Həmçinin Çexiyanın kütləvi informasiya vasitələrində işğalçı siyasətinə rəğmən, Rusiyanın xeyrinə yazıların paylaşılmasına cəhd edən şəbəkələr mövcuddur. Məqsəd Çexiyanın əhalisi arasında fikir ayrılığı yaratmaqdır. Belə olan təqdirdə insanların Ukraynanı dəstəkləyən hökumətə etimadı zəifləyər.

2024-cü ilin kəşfiyyat məlumatlarında qeyd olunub ki, Rusiya bu məqsədinə çatmaq üçün miqrantlardan qatil və terrorçu kimi istifadə edib.

“Voxpot” nəşrinin araşdırmaları nəticəsində məlum olub ki, oktyabr seçkilərindən öncə Çexiyanın xəbər agentliklərində Rusiyanın sanksiyaları altında olan saytlarından daha çox tərcümə yayılır. Bu isə Rusiyanın Çexiyanın siyasi xəttini dəyişməyə cəhd etdiyinin isbatıdır. Kreml Praqada xaos yaratmaq istəyir.

Çexiya kəşfiyyatının rəhbəri Mixal Koudelka bildirib ki, Rusiya Ukraynaya hücumları, müharibəni dayandırmaq niyyətində deyil.

“Ukraynalılar həm də Çexiyanın azadlığı üçün vuruşurlar”, – deyən M.Koudelka fikrini belə izah edib ki, Çexiya Rusiyanın mümkün aqressiyasına hazır olmaq üçün vaxt qazanır.