Kremlin sözçüsü Peskovdan Putinlə bağlı maraqlı açıqlama

Kremlin sözçüsü Dmitri Peskov bildirib ki, Rusiya ilə Ukrayna arasında danışıqlar aparmaq üçün heç bir şərait yoxdur.

“Kiyevi silahla təmin edən bütün ölkələr məsuliyyət daşıyır” deyən Peskov həmçinin bildirib ki, Rusiya Prezidentinin imzaladığı "Qismən səfərbərlik haqqında" fərman lazımi sayda vətəndaşların çağırışını nəzərdə tutmadığından hələ də qüvvədədir.

"Qismən səfərbərlik çərçivəsində çağırış müəyyən edilmiş saya çatana qədər həyata keçirilib, lazımi say əldə olunub və bununla əlaqədar olaraq vətəndaşların çağırışı dayandırılıb", - deyə o vurğulayıb.

Rusiya Prezidentinin mətbuat katibi Vladimir Putinin növbəti prezident seçkilərində iştirakının mümkünlüyü haqqında da danışıb. Bildirib ki, Rusiya lideri bu mövzuda heç bir açıqlama verməyib və fəaliyyətini adi qrafiklə davam etdirir.

Qeyd edək ki, Rusiyada növbəti prezident seçkiləri 2024-cü ildə keçiriləcək.