Pleyeri seçin:
KXDR Cənubi Koreya ərazisinə raket buraxdı
Şimali Koreya dekabrın 9-da Koreya yarımadasının qərb sahillərinə doğru bir neçə raket atıb.
Bu barədə Cənubi Koreyanın Müdafiə Nazirliyi məlumat yayıb.
Nazirliyin açıqlamasına görə, Cənubi Koreya Ordusu Sarı dənizin şimal istiqamətinə doğru buraxılan çoxsaylı artilleriya raketlərini qeydə alıb. Hazırda Cənubi Koreya və ABŞ kəşfiyyat qurumları raketlərin texniki göstəricilərinin dəqiq təhlili üzərində işləyir.
Açıqlamada bildirilib ki, Cənubi Koreya Ordusu Şimali Koreyanın bütün fəaliyyətlərini ABŞ ilə birgə diqqətlə izləyir və istənilən təxribatlara qarşı cavab vermək iqtidarındadır.
Xatırladaq ki, Şimali Koreya noyabrda ABŞ-nin tətbiq etdiyi sanksiyalara etiraz əlaməti olaraq şərq istiqamətində ballistik raket buraxmışdı.
Kopyalandı
