Laboratoriyalarda hazırlanan bu məhsullar gündəlik qidamıza çevriləcək?

Böyük Britaniyada laboratoriyada istehsal olunan ət, süd və şəkər iki il ərzində ilk dəfə insan istehlakı üçün satışa çıxarıla bilər.

Qida Standartları Agentliyi laboratoriyada hazırlanmış qidalar üçün təsdiq prosesini sürətləndirməyi nəzərdən keçirir. Bu məhsullar yığcam kimya fabriklərində hüceyrələrdən hazırlanır.

2025-ci ilin fevralında İngiltərədə fabrikdə yetişdirilən ətdən hazırlanan it yemi ilk dəfə satışa çıxarılıb.

Məlumat üçün bildirək ki, 2020-ci ildə Sinqapur insan istehlakı üçün hüceyrədə yetişdirilən ətin satışına icazə verən ilk ölkə oldu. 2023-cü ildə ABŞ və 2024-cü ildə İsrail də bu yeniliyə imza atdı.

Qida Standartları Agentliyinin professoru Robin Mey hesab edir ki, istehlakçıların təhlükəsizliyinə xələl gəlməyəcək. Laboratoriya şəraitində hazırlanan qidalar kiçik hüceyrələrdən yetişdirilən bitki və ya heyvan toxumalarıdır.